Fréttir

Fundur tuttugu lífeyrissjóða, stærstu eigenda skuldabréfa ÍL-sjóðs, telur að óbreyttu ekki grundvöll fyrir samningaviðræðum við fjármálaráðuneytið um uppgjör skuldbindinga sjóðsins. Fulltrúar ráðuneytisins hafa ekki komið til móts við kröfur lífeyrissjóðanna um fullar efndir af hálfu íslenska ríkisins í umleitunum þess um mögulegt uppgjör.

Á fundi stjórnar SL lífeyrissjóðs þann 21. febrúar sl. var ákveðið að hækka breytilega verðtryggða vexti á sjóðfélagalánum úr 1,99% í 2,25%. Jafnframt var ákveðið að óverðtryggðir vextir verði 8,20% frá 15. mars 2023 en þeir eru núna 7,94%.

Markmið okkar hjá SL hefur ávallt verið að vinna að því að tryggja að langtímaávöxtun á sparifé sjóðfélaga sé og verði ein sú besta á meðal íslenskra lífeyrissjóða. Við getum stolt sagt að við höfum náð tilætluðum árangri í þeim efnum.

SL lífeyrissjóður varð nýlega fyrstur á meðal íslenskra lífeyrissjóða til að hljóta alþjóðlega vottun BSI á Íslandi samkvæmt ISO 14001:2015 umhverfisstaðlinum, sem er alþjóðlega viðurkennd vottun fyrir þau fyrirtæki sem setja umhverfismál í öndvegi.

SL lífeyrissjóður vill vekja athygli á því að frá komandi áramótum taka gildi samþykktarbreytingar sem snerta greiðandi sjóðfélaga og lífeyrisþega.

Núna um áramótin, 1. janúar 2023 taka í gildi ný lög um skyldutryggingu og starfsemi lífeyrissjóða, sem kveða á lágmarksiðgjald í lífeyrissjóð einstaklings hækki úr 12% í 15,5%. Breytingin nær fyrst og fremst til launagreiðenda og sjálfstæðra atvinnurekenda, þar sem mótframlag þeirra hækkar úr 8% í 11,5%. Undantekning er ef kjarasamningur sem starfað er eftir kveður enn á um 8% mótframlag, en það er líklegt að það muni breytast við gerð nýs samnings.

Róbert R. Spanó, fyrrverandi forseti Mannréttindadómstóls Evrópu, prófessor við lagadeild Háskóla Íslands og gestaprófessor við lagadeild Oxford háskóla í Bretlandi, hefur í skriflegri álitsgerð komist að þeirri niðurstöðu að ráðagerð fjármála- og efnahagsráðherra sem birtast í skýrslu hans til Alþingis frá því í október sl. um möguleg slit og gjaldþrotaskipti ÍL-sjóðs með lögum væri andstæð stjórnarskrá og mannréttindasáttmála Evrópu.

Fyrirhuguð lagasetning fjármálaráðherra um gjaldþrot eða sambærileg skuldaskil ÍL-sjóðs fer í bága við stjórnarskrá og mannréttindasáttmála Evrópu. Þetta er meðal þess sem efnislega kemur fram í lögfræðiáliti LOGOS sem unnið var fyrir íslenska lífeyrissjóði og kynnt var á fundi þeirra fyrr í dag. Er í áliti LOGOS vitnað til þess að slíkt inngrip fæli í sér eignarnám eða annars konar skerðingu eignarréttinda sem færi í bága við stjórnarskrá og skapaði íslenska ríkinu bótaskyldu gagnvart skuldabréfaeigendum.

Um miðjan október voru send út yfirlit til sjóðfélaga og eiga þau að hafa borist sjóðfélögum sjóðsins. Yfirlitin miðast við iðgjöld fyrir tímabilið apríl 2022 til og með september 2022 bæði í samtryggingu og séreign. Á yfirlitinu koma fram upplýsingar um skil iðgjalda hvers sjóðfélaga og réttindi viðkomandi til lífeyris frá sjóðnum.

Á fundi stjórnar SL lífeyrissjóðs þann 18. október sl. var ákveðið að lækka fasta vexti á verðtryggðum lánum til sjóðfélaga úr 3,55% í 2,95%. Breytingin tekur gildi frá og með 1. nóvember 2022. Þetta hefur eingöngu áhrif á ný sjóðfélagalán, en þeir geta nú tekið verðtryggð lán til allt að 40 ára á lægri föstum verðtryggðum vöxtum en áður.

Kannski þarftu í framkvæmdir heima fyrir, kannski viltu endurfjármagna núverandi lán hjá SL, öðrum lánveitanda eða eitthvað annað er á döfinni hjá þér sem þarfnast fjármögnunar.