Réttindi barna og lífeyrir
Barnalífeyrir greiðist við andlát foreldris/forráðamanns, vegna barna ásamt fóstur- og stjúpbörnum þar til þau eru 22 ára. Réttur til barnalífeyris úr lífeyrissjóði er einnig til staðar hafi foreldri/forráðamaður orðið fyrir orkutapi og sé á örorkulífeyri.
Fósturbörn og stjúpbörn sem sjóðfélagi hefur framfært að mestu eða öllu leyti, eiga rétt á barnalífeyri eins og ef um börn eða kjörbörn væri að ræða.
Skilyrði fyrir greiðslu barnalífeyris eru að foreldri/forráðamaður hafi greitt iðgjöld til sjóðsins í a.m.k. 24 mánuði á undanfarandi 36 mánuðum eða notið úr honum eftirlauna- eða örorkulífeyris við andlátið.
Barnalífeyrir er greiddur framfæranda barns, en fullur barnalífeyrir vegna fráfalls foreldris/forráðamanns er 26.187 kr. á mánuði, sem greiðist ef greiðist ef árlegur iðgjaldastofn er a.m.k. 1.316.956 kr.
Sé iðgjaldastofninn lægri, lækkar barnalífeyrir frá sjóðnum hlutfallslega og fellur niður hafi stofninn svarað til minna en helmings þessarar fjárhæðar.